Rus müğənni Aleksey Vorobyov 2021-ci ildə aldığı Los-Ancelesdəki dəbdəbəli villasından təxliyə olunub.

KONKRET.az xəbər verir ki, sənətçi bu barədə özünün “Facebook” hesabında yazıb. Vorobyov son ana qədər evdən çıxmaq istəməyib. O, evinin ətrafına süni kanal çəkdiyini bildirsə də, yenə bədbin danışıb. Müğənni etiraf edib ki, bu, çətin ki, onun evini yanğından xilas etsin. “Ətrafı bürüyən dəhşətli yanğın səbəbindən evimizdən çıxmaq məcburiyyətində qaldıq. Nə yaxşı ki, itim Motsartı vaxtında götürə bildim”. Xatırladaq ki, Kaliforniyada meşə yanğınları səbəbindən yüzlərlə ev məhv olub. CNN xəbər verir ki, yanğının sahəsi 64 min kvadratmetrə çatıb. Xeyli sayda məşhur insanın evinə  ziyan dəyib. Onların arasında Entoni Hopkins, Con Qudman, Paris Hilton, Adam Brodi və Ben Afflek də var. Malibuda Co Baydenin oğlunun 4 milyon dollarlıq malikanəsi yanıb .

Vəli Həsənoğlu,

KONKRET.az