Tailandda içərisində turist olan iki sürətli kater toqquşub.

KONKRET.az xəbər verir ki, bu barədə məlumatı RİA Novosti agentliyi yayıb.

Hadisə nəticəsində zərərçəkənlərin olduğu deyilir.

Agentliyin məlumatına görə, zərərçəkənlər arasında 8-10 yaşlı bir qız və başqa bir gənc var.

Hadisənin Phuket adası yaxınlığında baş verdiyi aydınlaşdırılıb. Xilasedicilər təcili hadisə yerində işləyirlər.

Alınan son məlumata görə toqquşma zamanı 20-dən çox insan yaralanıb. Zərərçəkənlərin Rusiya vətəndaşları olduğu bildirilir.

Phuket polisindən verilən məlumata görə, 12 yaşlı bir oğlan və 6 yaşlı bir qız ölüb.

22 nəfər yaralı xəstəxanalara aparılıb.

Ümumilikdə iki qayıqda 39 nəfər olub.

Babək Göyüş

KONKRET.az