Ukrayna Silahlı Qüvvələrinə məxsus 4 pilotsuz uçuş aparatı Rusiyanın Kaluqa vilayətindəki neft emalı zavoduna hücum edib.

KONKRET.az Ukrayna mediasına istinadən xəbər verir ki, Rusiya tərəfi yalnız bir dronu vura bilib, qalan 3 dron “Pervı Zavov” neftkimya zavodunun neft emalı avadanlıqlarını zədələyib. Yanğın baş versə də, heç kim xəsarət almayıb.

Kaluqa vilayətinin qubernatoru Vladislav Şapşa isə iddia edib ki, bölgədə 4 pilotsuz uçuş aparatı vurulub. İtki və ya infrastruktur dağıntısının olmadığını vurğulayan qubernator qeyd edib ki, hadisə yerində əməliyyat qrupu işləyir.

Xatirə SADİQ,

KONKRET.az