Daxili işlər naziri Vilayət Eyvazov xidmətdə olmanın son yaş həddi ilə bağlı Polis Akademiyası rəisinin birinci müavini, polis polkovniki, hüquq üzrə elmlər doktoru, əməkdar müəllim Mahir Əhmədovu qəbul edib.
KONKRET.az-ın məlumatına görə, yolasalma mərasimində general-polkovnik Vilayət Eyvazov onun dövlətçiliyə, peşə borcuna sədaqətini, insani keyfiyyətlərini vurğulayıb, qüsursuz fəaliyyətini yüksək qiymətləndirib.
Sonda nazir Vilayət Eyvazov uzun illər qüsursuz xidmətlərinə görə təltif olunduğu DİN-in “Fəxri fərman”ını M.Əhmədova təqdim edib.
