“Bakı Şəhər İcra Hakimiyyəti məsələ ilə bağlı araşdırma apardı və məlum oldu ki, sosial şəbəkədə yayılan şəkillər Sumqayıtda çəkilib”.
KONKRET.az xəbər verir ki, bu barədə pravda.az-a Bakı Şəhər İcra Hakimiyyətinin (BŞİH) əməkdaşı İsrafil Kərimov məlumat verib.
İ.Kərimov bildirib ki, BŞİH-in kadrları arasında 65 yaşına çatmış hər kəs təqaüdə çıxır:
“Bakı Şəhər İcra Hakimiyyətində qar təmizləmək üçün ayrılan canlı qüvvələr kişilərdir. Digər tənqidlərə gəlincə isə, bütün paytaxt küçələri BŞİH tərəfindən təmizlənmir, burada müəyyən bölgü var. BŞİH-ə aid olan texnika isə öz sərəncamında olan küçələri təmizləmək üçün istifadə edilir”.