ABŞ Rusiya Federasiyasına qarşı yeni sanksiyalar hazırlayır. Onlar Putinin Ukraynaya qarşı müharibə aparmasını çətinləşdirmək istəyirlər.

KONKRET.az xəbər verir ki, bu barədə WSJ ABŞ rəsmilərinə istinadən məlumat verib.

Ağ Ev silah istehsalında istifadə olunan ikili təyinatlı komponentlər də daxil olmaqla, hərbi və kəşfiyyat orqanlarına mal və xidmətlər təqdim edən Rusiya şirkətlərinə qarşı sanksiyalar hazırlayır.

Yeni sanksiyalar gələn həftə elan oluna bilər.

Vaşinqton təsdiq edir ki, Rusiya silah istehsalında Qərb və beynəlxalq texnologiyadan çox asılı olub.
Sanksiyalara Rusiya xüsusi xidmət orqanları üçün silah paylayan Sernia Engineering və RF Silahlı Qüvvələri üçün avadanlıq və texnologiyalar istehsal edən Moskvada yerləşən Sertal şirkətləri daxil olacaq.

ABŞ həmçinin Sernia və Sertalın alış-veriş etdikləri dörd mərmi şirkətə də sanksiya tətbiq edəcək.

Yeni sanksiyalar Rusiyanın kritik texnologiya idxalının qarşısını almaq, onun hərbi potensialını və daha geniş iqtisadiyyatını zəiflətmək məqsədi daşıyır.

Ağ Ev ayrıca əlavə edib ki, onlar texnologiya şirkətlərinə “hücum etməyi”, Putinə Ukraynaya qarşı müharibə aparmağa icazə verməməyi planlaşdırırlar. Onların arasında radar kəşfiyyatı üçün peyklərin istehsalını dəstəkləyən “NII Vector” şirkəti də var. Mikron Rusiyada ən böyük mikroçip istehsalçısıdır.

Rusiya Federasiyasında elektrik şəbəkələrinin avtomatlaşdırılmış idarəetmə sistemləri üçün proqram təminatı hazırlayan iGrids şirkətinə qarşı da sanksiyalar nəzərdən keçirilir.

Xuraman Etibarlı,

KONKRET.az