“Ağcabədi rayonunda küçəyə atılan körpə Ailə, Qadın və Uşaq Problemləri üzrə Dövlət Komitəsinin nəzarətindədir”.
KONKRET.az xəbər verir ki, bunu açıqlamasında qurumun mətbuat katibi Teymur Mərdanoğlu bildirib.
O qeyd edib ki, körpə barədə lazimi tədbirlər görülür:
“Valideynlərinin tapılması ilə bağlı hüquq mühafizə orqanları tərəfindən araşdırmalar aparılır”.
***
13:35
Azərbaycanda daha bir yenidoğulan körpə küçəyə atılıb.
KONKRET.az xəbər verir ki, bu barədə “Azərbaycan Uşaqları” İctimai Birliyinin sədri Kəmalə Ağazadə feysbuk səhifəsində yazıb.
O bildirib ki, körpə oğlan Ağcabədi rayonunda küçəyə atılıb:
“Bu mələk bu gündən anasızdır. 15 gün ərzində bizim bildiyimiz 3-cü atılan uşaqdır. Bu dəfə də Ağcabədidə”.
Xatırladaq ki, daha öncə Sumqayıtda və Ucarda körpələr küçəyə atılmışdı.