Oğuz rayonunda zəhərlənən sakinlər xəstəxanaya müraciət edib.

KONKRET.az report-a istinadən xəbər verir ki, dünən axşam saatlarından etibarən bu gün səhərə qədər 60 nəfərə yaxın rayon sakini qusma, mədə-bağırsaq pozulması və hərarətlə Oğuz Rayon Mərkəzi Xəstəxanasına müraciət ediblər. Müraciət edənlərin hamısı Oğuz şəhər ərazisindən olub. Xəstəxanaya yerləşdirilənlərə ilkin tibbi yardım göstərilib və vəziyyətləri stabilləşən xəstələr evə buraxılıb.

Sakinlər arasında baş verən halsıqlığın nədən yaranması hələki bəlli deyil.

AQTA-dan bildirilib ki, araşdırmaların nəticələri ilə bağlı ictimaiyyətə ətraflı məlumat veriləcək.