Ermənistan-Türkiyə sərhədində yerləşən Marqara keçid məntəqəsi yaxın vaxtlarda açılacaq.

KONKRET.az xəbər verir ki, bu barədə erməni mediası məlumatlı diplomatik mənbəyə istinadən bildirib.

Mənbənin sözlərinə görə, keçid məntəqəsinin açılışı martın 1-nə planlaşdırılır. Eyni zamanda, buraxılış məntəqəsinin təhlükəsizliyinin Ermənistan Respublikasının Milli Təhlükəsizlik Xidməti tərəfindən həyata keçirilməsi nəzərdə tutulur.

Xatırladaq ki, hazırda Ermənistan-Türkiyə sərhədinin bütün ərazisi boyunca nəzarəti Rusiya Federasiyası FTX-nin Ermənistan Respublikasındakı İB-si həyata keçirir. Daha əvvəl bildirilmişdi ki, Ermənistan tərəfi keçid məntəqəsinin təmirinə 1 milyard dramdan çox pul xərcləyib.

Qeyd edək ki, Ermənistanla Türkiyə arasında sərhədin birinci mərhələdə üçüncü ölkə vətəndaşları və diplomatik pasport sahibləri üçün açılması planlaşdırılırdı.

Aysu İbrahimova,
KONKRET.az