“Paralel olaraq dəmiryollarının yenidən inşa məsələsi var ki, bunun da içinə Mehri dəhlizinin açılması planları daxildir. Bu konteksdə İran-Azərbaycan, İran-Ermənistan İran-Rusiya dəmiryolları xəttlərinin fəaliyyəti nəzərdə tutulur ki, bu da əlbəttə ki, İran üçün çox əhəmiyyətli perspektiv vəd edir. Bu baxımdan görünən odur ki, İran qollarını çırmalayıb və bütün region ölkələrinə səfər etməklə fürsətdən maksimum şəkildə yararlanmaq istəyir ki, İrana qarşı olan sanksiyaları kompensasiya edə bilsin. Təbii olaraq bu konteksdə Dağlıq Qarabağ məsələsinin müzakirəsi gözlənilir və bu da normal haldır. Çünki bütün bu əməkdaşlığın inkişafı üçün əsas meyar Qarabağ probleminin həllidir. İran xarici işlər naziri bu yöndə çox ciddi fəaliyyətə başlayıb və etdiyi səfərlərlə qarşıdakı əməkdaşlığın önünü açmaq istəyir”.