“Şübhəsiz ki, Dağlıq Qarabağ nizamlanması bölgənin inkişafında yeni bir səhifə açacaqdır. Nəqliyyat və iqtisadi blokda qarşılıqlı fəaliyyət üçün çoxtərəfli bir platformanın formalaşması bütün regional dövlətlər üçün faydalı olacaqdır. Xüsusilə etiraf etmək lazımdır ki, bu Ermənistan üçün onilliklər boyu bloklanmış sahələrin yeni bir inkişaf səhifəsi olacaqdır”.

KONKRET.az xəbər verir ki, bunu “Moskva-Baku”-ya müsahibəsində Rusiya Siyasi Araşdırmalar İnstitutunun direktoru Sergey Markov söyləyib.

O, daha sonra deyib: “Əlbəttə, Qarabağın Azərbaycan tərəfindən necə bərpa ediləcəyi də böyük əhəmiyyətə malikdir. Bu məsələ Bakı üçün böyük siyasi və imic baxımından mühüm əhəmiyyətə malikdir. Bakının öz xalqına Azərbaycan dövlətinin effektivliyini, insanlar üçün yaxşı bir həyat təmin edə biləcəyini göstərmək çox vacibdir. Həmçinin, Azərbaycan üçün azad edilmiş ərazilərin inkişafı xarici iqtisadi əlaqələrə güclü bir təkan verəcək.

Azərbaycan artıq Qarabağın bərpası üçün xarici investisiyalar cəlb edir. Beynəlxalq birliyin Qarabağın necə olduğunu görə bilməsi üçün Bakı Qarabağı öz təcəssümü, müasir və inkişaf etmiş, yüksək texnologiyalı, yaşamaq üçün əlverişli bir Azərbaycanın “vitrininə” çevirmək istəyir. Bu, Qarabağ erməniləri üçün bir siqnal olacaq. Və bu, ermənilərdə inkişaf etmiş Azərbaycanın vətəndaşı olmaq istəklərini yarada bilər”.

Lətif,

KONKRET.az