Ermənistan və Azərbaycan arasında sərhəd delimitasiyası komissiyalarının birgə fəaliyyəti haqqında imzalanan əsasnamənin mətni sentyabrın 2-si açıqlanacaq.

KONKRET.az “armenpress”ə istinadən xəbər verir ki, bu barədə açıqlama Ermənistanın Baş Nazirliyindən verilib.

“Sənədin mətni milli yekunlaşdırma prosedurlarının həyata keçirilməsi çərçivəsində bazar ertəsi ictimaiyyətə açıqlanacaq. Ratifikasiya prosesinin bir hissəsi kimi sənəddə nəzərdə tutulan öhdəliklərin Ermənistan Konstitusiyasına uyğunluğunu müəyyən etmək üçün Konstitusiya Məhkəməsinə göndəriləcək. Konstitusiya Məhkəməsinin mövqeyi müsbət olarsa, o, ratifikasiya üçün parlamentə təqdim olunacaq”.

Aygün,

KONKRET.az