Ermənistan Xarici İşlər Nazirliyi Baş nazir Nikol Paşinyanın diplomatik pasportunun oğurlandığı faktını təsdiq edib.

KONKRET.az xəbər verir ki, Ermənistan Xarici İşlər Nazirliyinin mətbuat katibi Anna Naqdalyan məlumat yayıb.

”10 noyabrda Ermənistan hökumətinin binasına soxulan qrup tərəfindən 14 diplomatik pasport oğurlanıb. Həmin pasportların arasında Ermənistan Baş naziri Nikol Paşinyanın da diplomatik pasportu olub. Pasportlar elə həmin gün Xarici İşlər Nazirliyi tərəfindən ləğv edilib”, – Naqdalyan bildirib.