Avropa Liqasının qrup mərhələsinin ikinci turu çərçivəsində keçiriləcək “Qarabağ” – “Vilyarreal” oyununun hakimləri müəyyənləşib.
KONKRET.az-ın məlumatına görə, matçı Çexiyadan olan hakimlər idarə edəcək.
Matçın baş hakimi Pavel Orel, yan xətt hakimləri Petr Blajey və İrji Krjij olacaq.
Dördüncü hakim isə Andrey Peçanetsdir.
Hakim-inspektor Gürcüstandan olan Levan Paniaşvili, UEFA nümayəndəsi isə Ukraynadan Anna Bordiuqova olacaq.
Qeyd edək ki, “Qarabağ” – “Vilyarreal” matçı oktyabrın 29-da İstanbulda, “Başakşəhər Fatih Terim” stadionunda baş tutacaq.