“Qarabağ üçün aydın şəkildə müəyyən edilmiş xətt var: Bu bölgə heç bir status altında Azərbaycanın bir hissəsi ola bilməz”.

KONKRET.az xəbər verir ki, bu cür sərsəm açıqlama ilə separatçı Qeqam Stepanyan çıxış edib.

O, NEWS.am-ın “Power Factor” proqramının efirində bildirib ki, “Qarabağ xalqının hüquq və azadlıqlarını qorumaq üçün onlar heç vaxt Azərbaycan daxilində heç bir statusa malik ola bilməzlər. Bizim təyin edə biləcəyimiz ən aşağı meyar ondan ibarətdir ki, status öz müqəddəratını təyinetmə hüququ olmadan mövcud ola bilməz. Bundan başqa haqq yoxdur”.

Qeqam Stepanyanın sözlərinə görə, “30 ildir ermənilərə nifrətlə böyüyən nəsil onların hüquqlarına necə təminat verə bilər?”.

Natiq Səlim,

KONKRET.az