“Tariximizin biabırçı və dağıdıcı səhifələrindən birini yaşayırıq. Yalnız Qarabağın deyil, Ermənistanın və ermənilərin gələcəyi də təhlükə altındadır. Vəziyyəti dəyişdirmək, dönüş nöqtəsi etmək mümkündürmü? Bəli”.

KONKRET.az xəbər verir ki, bu sözləri Ermənistanın sabiq Baş naziri, keçmiş müdafiə naziri Vazgen Manukyan səsləndirib.

Vazgen Manukyan sual verir: “Nə edilməlidir?” Və özü cavab verir:

1.Bu hökumət istefaya getməli, bütün hakimiyyəti orduya təhvil verməli və bu, ölümlə nəticələnə biləcək sarsıntılar olmadan könüllü şəkildə edilməlidir.

2.Ordu bütün hakimiyyəti öz əlinə alaraq, mövcud hərbi vəziyyətin məntiqində tədbirlər həyata keçirməli, inamı təmin etməli və maraqlı dövlətlər və beynəlxalq strukturlarla danışıqlar apararaq Qarabağla birlikdə vahid Müdafiə Komitəsi yaratmalıdır.

Bu, xilas olmağın yeganə yoludur. Əks təqdirdə hər şeyi itirə bilərik.

Babək Göyüş                       

KONKRET.az