Almaniyada Azərbaycan əsilli qadın hücuma məruz qalaraq öldürülüb.
KONKRET.az “Report”a istinadən xəbər verir ki, bu barədə “Radiobielefeld” məlumat yayıb.
Məlumata görə, hadisə Şimali Reyndə baş verib.
Lemqo şəhərində maskalı velosipedçi 33 yaşlı piyadanın başına daha əvvəl tezalışan mayeyə batırılmış yanan əski atıb. Nəticədə qadın ikinci dərəcəli yanıq xəsarətləri alaraq ölüb. Məlumata görə, ölən şəxs Azərbaycan əsillidir.
Hadisəni törədən şəxsin axtarışları davam edir. Cinayətin başvermə səbəbi hələ məlum deyil.