Türkiyə 5 il ərzində vəzifə yerinə yetirəcək yerli idarəçiləri seçmək üçün sandıq başına gedib.

KONKRET.az xəbər verir ki, 34 siyasi partiyanın namizədinin mübarizə apardığı səsvermədən müxtəlif maraqlı görüntülər ortaya çıxıb.

Onlardan biri “Adana kralı” kimi tanınan 69 yaşlı Hüseyn Şən olub.

“Bütün adanalı qardaşlarım məni belə qəbul edib. Bu libasla gəzirəm. Libasım narıncı və ağ rənglidir. Bu rənglər Adananın simvoludur. Bu gün də bu libasla səs verməyə gəlmişəm”, – deyə o, açıqlamasında deyib.

Düzcedə “muay thai” milli idmançısı – 34 yaşlı Muhammed Bişgin,özünün dizayn etdiyi astronavt libasında səs verib.

Bişgin açıqlamasında kostyumu hazırlayarkən Türkiyənin ilk astronavtı Alper Gezeravcıdan ilham aldığını söyləyib.