KONKRET.az Haqqin.az-a istinadən xəbər verir ki, paytaxtın bir çox yanacaqdoldurma məntəqələrində “Premium” markalı benzin (Aİ-95) yoxa çıxıb.

İyulun 15-dən Aİ-95 markalı benzinin 1 litrinin qiyməti 40 qəpik ucuzlaşaraq 1,60 manat olub. Sürücülərin sözlərinə görə, bundan sonra Aİ-95 markalı benzin əksər yanacaqdoldurma məntəqələrində satışdan ya çıxarılıb. Ona görə də sürücülər Aİ-92 markalı benzin almalı olublar. Azərbaycan Dövlət Neft Şirkəti (SOCAR) bəzi yanacaqdoldurma məntəqələrində Aİ-95 markalı benzinin müvəqqəti olaraq satılmadığını təsdiqləyib.

Şirkətdən verilən məlumata görə, SOCAR markalı yanacaqdoldurma məntəqələrində bu markalı benzinin satışına heç bir məhdudiyyət yoxdur.

SOCAR-dan vurğulanıb ki, müəyyən günlərdə ölkəyə bu növ yanacağın verilişində gecikmələr olduğu üçün bəzi yanacaqdoldurma məntəqələrində yanacaq tükənib, satılmır, lakin problem tezliklə aradan qaldırılıb.