Lerikdə üç ev qəzalı vəziyyətə düşdü – FOTObackend

Lerikdə üç ev qəzalı vəziyyətə düşdü - FOTO

Lerik rayonunda sürüşmə zonalarında aktivləşmə yaranıb.

KONKRET.az “Report”a istinadən xəbər verir ki, aktivləşmə daha çox rayonun Hamarmeşə kəndi ərazisində müşahidə olunur.

Belə ki, son vaxtlar intensiv yağışlar səbəbindən kəndin yuxarı məhəlləsindəki sürüşmə zonasında 3 fərdi yaşayış evi qəzalı vəziyyətə düşüb.

Bununla yanaşı, kəndin yuxarı məhəlləsində 120 şagird yerlik məktəb binası da aktivləşmənin yarandığı ərazidə yerləşir.

Sakinlər bildirib ki, torpaq qatı evlərin divarına dirənib və əsas divarlarda dərin çatlar əmələ gəlib.

Qeyd edək ki, sözügedən ərazidə sürüşmə ötən il də qeydə alınıb. Ərazidəki təhlükəli vəziyyətlə bağlı aidiyyəti orqanlara məlumat verilib. Ekologiya və Təbii Sərvətlər Nazirliyinin (ETSN) mütəxəssisləri hadisə yerinə gələrək araşdırma aparıb. Digər sənədlər də toplanaraq Fövqəladə Hallar Nazirliyinə (FHN) təqdim edilib. Yerli bələdiyyənin daxili imkanları hesabına 30 metr məsafədə istinad divarı inşa edilsə də, sürüşən torpaq qatı istinad divarını da yerindən qoparıb.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*