Ukrayna Prezidenti Vladimir Zelenskinin İtaliyaya işgüzar səfəri başlayıb.

KONKRET.az Ukrayna mediasına istinadən xəbər verir ki, o, bu ölkənin ali rəhbərliyi  görüşəcək.

Bu barədə fevralın 7-də dövlət başçısının mətbuat xidməti məlumat yayıb.

“Dövlət başçısı İtaliya Prezidenti Sercio Mattarella və baş nazir Cüzeppe Konte ilə görüşəcək”,-deyə məlumatda bildirilir.

Məlumdur ki, fevralın 8-də Ukrayna lideri Vatikana gələcək və orada Roma Papası Fransisklə görüşəcək.

“Bundan başqa, Ukrayna prezidentinin Müqəddəs Taxt-Tacın dövlət katibi Pietro Parolinlə görüşü baş tutacaq. Görüşdə Müqəddəs Taxt-Tacın dövlətlərarası münasibətləri üzrə katibi Pol Riçard Qallaher də iştirak edəcək”, – deyə bundan əvvəl Prezidentin ofisində məlumat verilib.

Babək Göyüş

KONKRET.az