Muğlanın Bodrum rayonunda səhər saatlarında başlayan meşə yanğını küləyin təsiri ilə geniş əraziyə yayılıb.

KONKRET.az türk mediasına istinadən xəbər verir ki, səhər saat 05.00 radələrində Yakaköy Məhəlləsi Çilekdə meşəlik ərazidə başlayan yanğın küləyinin təsiri ilə birdən böyüyüb. Meşə sahəsindən kolluq və zeytun ağaclarına sıçrayan alov yüzlərlə ağacı külə çevirib.

Yanğınsöndürənlər dağlıq ərazilərdə yanğının bəzi nöqtələrinə çata bilməyib. 3,5 saat davam edən yanğın sürətlə böyüməyə davam edir.

Rəsmiyyə Şərifova,

KONKRET.az