Sosial şəbəkədə 99JU303 dövlət qeydiyyat nişanlı Xaliq Faiqoğlu şirkətinə məxsus avtobusun qəza törətməsi ilə bağlı görüntülər yayılıb.
Mövzu ilə bağlı Bakı Şəhər Baş Dövlət Yol Polisi İdarəsindən KONKRET.az-a verilən məlumata görə, hadisə Bakı şəhər Nərimanov rayonu Ziya Bünyadov prospektində baş verib.
“Yol nəqliyyat hadisəsi avqustun 1-i saat 06:15 radələrində Bakı şəhər Nərimanov rayonu Ziya Bünyadov prospektində baş verib. Hadisə zamanı sərnişin avtobusu KamAZ markalı nəqliyyat vasitəsilə toqquşub. Qəza nəticəsində xəsarət alan olmayıb”.
Aygün Mirakif,
KONKRET.az